Slider

BERITA

MINANG SAISUAK

TOKOH

KULINER

SEJARAH

BUDAYA

» » Kumpulan Pantun Minang


rami urang pai kasurau
tibo disurau mambaco salam
iko pantun hanyo bagurau
kaparintang dihari malam .

...nak duo pantun sairiang
surau adolah jalan akhiraik
pintokan nasib latak disarugo
pantun dibuek katando adaik
tando rang minang asa mulonyo

ciek lai yo...

pai kasurau disubuah hari
kantuak dibuang baganti jago
langkah dicacat dek malaikaik
alun tantu pantun caminan diri
hanyo pamanciang garah dunsanak sajo
supayo silaturahmi batambah kuaik
Dicaliak laman sabalah rumah
kironyo lah tumbuah rumpuik ilalang
Disiko tampek kito bagarah
Paubek ati nak nyo sanang
anak urang dipasa solok
pai mamaciang ka singkarak
di denai sabana harok
di adiak babao galak
Kulik manih ditangah rimbo
ditabang untuk dijua
adiak manih nan denai cinto
mari kito jalang kantua kua
pai karimbo manabang sariak
sariak nan tatabang banyak nan mudo
kasiah nan lamo tabayang baliak
mambuek tasirok darah didado
kaladang ambiak pitulo
babaok pulang agak sakabek
iko ambo ka batanyo
sia pandai manjawek ?
Anak daro jo marampulai
duduk basandiang di palaminan
ambo nio baraja randai
sia nan amuah ma ajaan
Batang dadok Batang durian
Nan Katigo Batang Palam
Antah Jodoh Antah Bukan
Nan Penting Kito Kenalan
pai ka padang jo kudo padati
kapulang naiak kareta api
dulu cinto hilang dari hati
kini nyo dtang didalam mimpi
pai bamain katangah rimbo
dapek kayu di ateh batu
mungkin badan indak basamo
tapi hati masih basatu
putuih tali si layang layang
putuih di semba si buruang alang
putuih tali kasiah sayang
badan saraso si bayang bayang
badia malatuih alang maraok
jatuah tahampeh di rumpun lado
di ambo yo sabana harok
baa kok adiak bagarah sajo
tarah lai den tarah
namun kayu gadang juo
tagah lai den tagah
namun adiak mangarengkang juo
batang bukareh tumbuah tapi sawah
dahan nan manjulai ka tapi jalan
tampek hinggok si buruang punai
kok kareh diak hati untuak bapisah
tahan indak den tahan
cari lah nan labiah elok dari diri denai
anak urang pai bali bareh
di hari sanjo bali bareh ka subarang
hati diak iyo sabana kareh
jo hati ibo den lapeh adiak ka tangan urang
cincin banamo siganto sari
sasuai sajo di kulingking

kok hilang adiek ka ma ka uda cari

lautan sajo sa kuliling
jalan-jalan ka pakanbaru
singgah sabanta di simpang tigo

nyampang didunia kito ndak basatu

untuang diakhrat ditamukan juo
Sarikayo makan jo tapai
Makanan anak punai tanah

Nan kayo mukasuik sampai

Nan bansaik karam di tangah
 
baa caro denai ka mandi
uda tagak di palo banda

denai kaja uda jo bendi

uda lari pakai honda
Aia mato jatuah ka rumpuik
Jatuah ka rumpuik bilang2

Dari mato sungguah lupuik

Dari hati ndak kunjuang hilang
Dari sawahan ka kampuang jao
Naiaklah oto dari kuranji
Jikok dikana kisah nan lamo
indak disangko cando ko kini
Songkok baukie si ramo-ramo
Sapuluah basulam intan parmato
Jikok dikana kisah nan lamo
Jatuah kadalam si aie mato
baitu banyak oto dipadang
hanyo ciek nan denai tompang
baitu banyak gadih nan den pandang

hanyo adiak surang nan denai sayang
 

Share Artikel ke: Facebook Twitter Google+ Linkedin Technorati Digg
«
Next
Newer Post
»
Previous
Older Post

0 komentar

Bagaimana Pendapat Anda?